Mae Golchdy Afonwen yn un o brif olchdai a chwmnïau llogi llieiniau annibynnol y DU gan gyflenwi dros 400 o westai o bob math, o grwpiau cenedlaethol o westai i westai teuluol annibynnol, gan gynnig amrediad clasurol o lieiniau safonol yn ogystal â'n cyfres nodedig o lieiniau cotwm Eifftaidd i'r gwestai hynny sy'n chwilio am y llieiniau o'r safon uchaf sydd ar gael gan olchdy masnachol.

Mae Golchdy Afonwen yn cyflogi dros 160 o bobl a gallwn ddelio â dros 1.2 miliwn o eitemau lliain yr wythnos, sy'n golygu ein bod yn un o'r golchdai annibynnol mwyaf o'i fath yn y Deyrnas Unedig, yn gweithredu o dri chanolfan ym Mhwllheli, Caerdydd a thrwy ein chwaer gwmni, Whiteriver Laundry yn Leeds.

Rydym wedi buddsoddi dros £6 miliwn ers 1999, yn ein prif gyfleuster cynhyrchu yng Ngogledd Cymru ac yng ngwanwyn 2008 wedi dadorchuddio ein cynlluniau newydd cyffrous am raglen buddsoddiad o £5m ychwanegol i agor y golchdy masnachol yn Ne Cymru, yn cynyddu ein gallu cynhyrchu i fod yn medru delio â dros 1.2 miliwn o eitemau lliain yr wythnos, swmp anferth o lieiniau budur yng ngolwg unrhyw un!

Fel cwmni yn cael ei redeg gan deulu, rydym yn ymfalchïo yn safon uchel a dibynadwy ein gwasanaeth, sydd wedi ei ddylunio i ateb gofynion ein cwsmeriaid Rydym yn rhoi pwyslais ar gyfathrebu cyson, gofal am ein cwsmeriaid ac adborth. Ein tîm o gynrychiolwyr gwasanaeth yw un o'r timau mwyaf profiadol yn y diwydiant ac mae gan ei aelodau wybodaeth drylwyr ac eang, a pharodrwydd i weithio â chwsmeriaid i sicrhau ein bod yn cynnig y gwasanaeth gorau.

Mae llawer o'n staff wedi bod yn gweithio gyda ni ers dros ugain mlynedd a chyda'r teyrngarwch hwnnw daw toreth o brofiad ac arbenigedd sydd wedi galluogi'r busnes i dyfu a pharhau i dyfu o ganlyniad i eiriau da ein cwsmeriaid. Yn wir, mae mwy o fusnes yn cael ei gynhyrchu trwy argymhellion personol ein cwsmeriaid na thrwy unrhyw ymdrechion hyrwyddo o'n rhan ni. Mae argymhellion personol gan gwsmeriaid wedi ein cynorthwyo i dyfu i fod yn un o'r cwmnïau annibynnol llogi llieiniau'r DU.

Mae gan y gwesty mwyaf a gyflenwir gennym dros 300 o ystafelloedd gwely a gan ein bod yn cyflenwi dros 400 o westai mae miloedd lawer o bobl yn cysgu bob nos ar lieiniau glan, cras, wedi eu glanhau'n safonol, sydd wedi eu cyflenwi gan y tîm yn Afonwen.